210

اورنج ٹرین کا کرایہ 40 روپے رکھنے کی تجویز

اورنج لائن ٹرین کا ایک طرف کا کرایہ 40 روپے رکھنے کی تجویز پر اتفاق ہوگیا تاہم کرایےکے حوالے سےحتمی فیصلہ وزیراعلیٰ پنجاب کی منظوری کے بعد کیا جائے گا۔
وزیراعلیٰ پنجاب عثمان بزدار کی زیر صدارت اورنج لائن ٹرین کے کرایوں کے حوالے سے اجلاس ہوا جس میں اورنج ٹرین اتھارٹی کے حکام نے کرایے کو شہریوں کی مالی مشکلات کے مدنظر رکھتے ہوئے30 سے 40 روپے رکھنے کی تجویز دی۔
پنجاب حکومت نے حکومتی بجٹ اور سبسڈی کو بنیاد بناتے ہوئے کہا کہ کم از کم یکطرفہ کرایہ 50 روپے مقرر کیا جائے، محکمہ خزانہ نے کہا کہ منصوبے پر زیادہ سبسڈی نہیں دے سکتے۔
محکمہ خزانہ حکام نے بتایا کہ اگر کرایہ 40 روپے کیا گیا تو سالانہ 6 ارب روپے سبسڈی دینا ہوگی، مشاورت کے بعد یکطرفہ کرایہ 40 روپے کی فی کس طے پا گیا۔
سیکرٹری خزانہ پنجاب عبداللہ سنبل کا کہنا ہے کہ اورنج ٹرین پر سبسڈی دینے اور ٹکٹ طے کرنے سے متعلق اہم تجاویز سامنے آئیں ہیں تاہم کرایے سے متعلق حتمی فیصلہ وزیراعلیٰ پنجاب کریں گے۔

اس خبر پر اپنی رائے کا اظہار کریں

اپنا تبصرہ بھیجیں