281

وزیراعظم عمران خان کے قریبی ساتھی عون چوہدری کو عہدے سے ہٹا دیا گیا

نجی ٹی وی مطابق وزیراعظم عمران خان کے قریبی ساتھی عون چوہدری کو وزیراعلیٰ پنجاب عثمان بزدار کے مشیر کے عہدے سے ہٹا دیا گیاہے۔
پنجاب کابینہ میں ایک مرتبہ پھر سے ردو بدل کی ہوا چل پڑی ہے اور سب سے بڑی تبدیلی وزیراعلیٰ پنجاب عثما ن بزدار کے مشیر عون چوہدری کو عہدے سے فارغ کرتے ہوئے لائی گئی ہے تاہم تاحال اس کی وجہ سامنے نہیں آ سکی ہے۔ عون چوہدری کی جگہ آصف محمود کو وزیراعلیٰ کا مشیر مقر ر کر دیا گیاہے ، آصف محمود پنجاب ہارٹیکلچر اور ٹورازم کے معاملات دیکھیں گے۔عون چوہدری وزیراعظم عمران خان کے قریبی ترین ساتھی سمجھے جاتے ہیں ۔
دوسری جانب یہ خبر یہ بھی موصول ہوئی ہے کہ پنجاب کی کابینہ میں توسیع کی منظوری دیدی گئی ہے ، اسد کھوکھر کو وزیر بنانے کا فیصلہ کر لیا گیاہے ، وہ آج وزیر کا حلف اٹھائیں گے

اس خبر پر اپنی رائے کا اظہار کریں

اپنا تبصرہ بھیجیں