198

پنجاب حکومت کا منہاج القرآن کو مینار پاکستان پر میلاد کانفرنس کی اجازت دینے سے انکار

پنجاب حکومت نے تحریک منہاج القرآن کو عالمی میلادؐ کانفرنس مینار پاکستان کے گراؤنڈ میں منعقد کرنے کی اجازت دینے سے انکارکردیا۔
پنجاب حکومت نے تحریک منہاج القرآن کو 36ویں عالمی میلادؐ کانفرنس مینار پاکستان کے گراؤنڈ میں منعقد کرنے کی اجازت نہیں دی اور اس حوالے سے منہاج القرآن انتظامیہ کو آگاہ کر دیا گیا ہے۔
تحریک منہاج القرآن 35 سال سے عالمی میلادؐ کانفرنس مینار پاکستان گراؤنڈ میں منعقد کررہی تھی جس سے ڈاکٹر محمد طاہر القادری خصوصی خطاب کرتے ہیں جب کہ کانفرنس میں ہر سال امریکا، برطانیہ، یورپ سے وفود شرکت کرتے ہیں۔
یاد رہے کہ جامعہ الازہر مصر کے پروفیسرز اور عرب شیوخ بھی اس عالمی میلادؐ کانفرنس میں مدعو کیے جاتے ہیں، منہاج القرآن ہر سال 11 اور 12 ربیع الاول کی شب ولادت مصطفیﷺ کے جشن کے طور پر مناتی ہے۔

اس خبر پر اپنی رائے کا اظہار کریں

اپنا تبصرہ بھیجیں