159

کورونا کا مشتبہ مریض اسپتال کی ساتویں منزل سے کود گیا

بھارت کے دارالحکومت نئی دہلی میں ایک شخص نے کورونا وائرس کے شبے کی وجہ سے اسپتال کی ساتویں منزل سے چھلانگ لگا کر خودکشی کرلی۔
بھارتی میڈیا کی ایک رپورٹ کے مطابق ایک 35 سالہ بھارتی شخص سڈنی سے سفر کرکے بھارت آیا تھا جسے ایئر پورٹ حکام نے کورونا وائرس کے شبے میں نئی دہلی کے ایک اسپتال منتقل کردیا تھا۔
کورونا، ڈبلیو ایچ او کا عوام کو ’سیف ہینڈ چیلنج ‘
بھارتی میڈیا کے مطابق اسپتال انتظامیہ نے اُس شخص کے کورونا وائرس کے ٹیسٹ کیے اور ایئر پورٹ حکام کے کہنے پر اُس شخص کو قرنطینہ میں رکھ دیا تھا۔
اسپتال ذرائع کے مطابق بھارتی شخص کو صبح 9 بجے اسپتال لایا گیا تھا اور جب اُس کو قرنطینہ میں رکھا گیا تو اُس شخص نے کورونا وائرس کے ڈر سے قرنطینہ وارڈ کا زبردستی دروازہ کھولا اور اسپتال کی ساتویں منزل سے چھلانگ لگا کر خودکشی کرلی۔
امریکا اور یورپ کورونا سے نمٹنے میں ناکام، ایک روز میں 741 اموات
بھارتی پولیس نے میڈیا کو بتایا کہ ابتدائی تفتیش کے دوران معلوم ہوا ہے کہ اِس شخص کا تعلق بھارت کی ریاست پنجاب سے ہے اور یہ شخص گزشتہ ایک سال سے سڈنی گیا ہوا تھا۔
اسپتال انتظامیہ نے بتایا کہ کورونا وائرس کے ٹیسٹ کے لیے اس شخص کے جو نمونے لیے گئے تھے اُس کو لیبارٹری بھیج دیا گیا ہے اور اب رپورٹس کے آنے کا انتظار ہے۔
ڈبلیو ایچ او کی کورونا کے علاج سے متعلق ایڈوائزری جاری
واضح رہے کہ بھارتی میڈیا کے مطابق اب تک بھارت میں کورونا وائرس کے 172 کیسز سامنے آگئے ہیں۔

اس خبر پر اپنی رائے کا اظہار کریں

اپنا تبصرہ بھیجیں